TENNIS

Die skool beskik oor goeie tennisspanne. Baie van die spelers kry professionele afrigting en dit dra ongetwyfeld by tot die goeie uitslae. Ons is bevoorreg met privaat geriewe wat met die bestes vergelyk. Die liga waarin gespeel word, hang af van die vorige jaar se uitslae. Beide die seuns en dogters het tans vier spanne. Die dogters speel tydens die eerste kwartaal tenniswedstryde op Dinsdae middae. Tydens die derde en vierde kwartaal neem net die Graad 8 en 9-dogters aan 'n liga deel. Die seuns neem die eerste , derde en vierde kwartaal aan hulle liga deel en speel Maandae en Vrydae hulle wedstryde.

Die dogters neem ook deel aan 'n Interhoër Seniors en Juniors.