Free Web Site - Free Web Space and Site Hosting - Web Hosting - Internet Store and Ecommerce Solution Provider - High Speed Internet

Terug na " In Perspektief"

Algemene Skooldissipline

Met die oog op die ordelike verloop van skoolaktiwiteite word vaste reëls met betrekking tot skooldrag, netheid, hare, pligsversuim, rokers, stokkiesdraaiers, stiptelikheid, swak gedrag, klaswisseling en die meer neergelê.

Ons verwag dat leerling hulle by die reëls sal hou en daar word streng teen optreders opgetree. Binne hierdie struktuur van dissipline word 'n rustige studie atmosfeer geskep wat leerling aanspoor om hulle potensiaal te ontwikkel, asook leierseieskappe en selfdissipline te bevorder.

Netheid

Ons verwag dat leerlinge tel alle tye netjies sal wees op hulle persoon, kleredrag en skoolwerk. Geen juwele of grimering word toegelaat nie.

Hare : Seuns : Geen bakkebaard en snorre nie. Die hare mag nie die kraag raak nie en moet opgesny word. Die ore is oop en die hare is opgesny en uitgedun om die boskasie-effek te vermy. Voor kan die hare tot in die middel van die voorkop strek. Verder moet die hare skoon en gekam wees. Geen vreemde style is aanvaarbaar.

Hare : Dogters : Lang hare moetvasgemaak wees in vlegsels of bolletjies. Hare mag nie in die oë hang nie.

Skooltye

	Maandag tot Donderdag	07:30 - 14:00
	Vrydag	07:30 - 13:30

Spesifieke Reëls

	Tydens die amptelike opening vir die verskillende grade in die skoolsaal, moet die skoolbaadjie verkieslik gedra word.
	Indien 'n leerling 'n skoolfunksie (tuis of elders) bywoon, is die dra van skoolklere verpligtend.
	Tydens sportbyeenkomste word skooldrag, amptelike sportdrag of die skoolsweetpak gedra. Geen ander drag of sweetpakke sal toegelaat word.

Verlaat van skoolterrein

Leerlinge mag slegs die skoolterrein verlaat met skriftelike toestemming van die hoof. Doktersafsprake moet liewers vir die middag gereël word.

Afwesigheid

Geen laatkommery word geduld nie. Laatkommers moet eers by die kantoor aanmeld om 'n briefie te kry.

Indien 'n leerling afwesig was, moet sy ouers 'n afwesigheidsbriefie die eerste dag van terugkoms saamstuur.

Afwesigheid tydens eksamen moet met 'n mediese sertifikaat bevestig word.

Skooleiendom

	Geen slagspreuke word op tasse toegelaat nie.
	Geen gekrap op banke, boek of mure toegelaat nie.
	Niemand mag met elektriese- of brandbestrydingsapparaat peuter nie.
	Ander leerlinge se eiendom is privaat en moet alleen gelaat word.
	Beskadige eiendom moet herstel word.
	Indien enige artikel opgetel word, moet dit by die kantoor ingehandig word.

Selfone

Die ideaal is dat leerlinge nie selfone sal hê nie. Publieke fone is beskikbaar en noodboodskappe kan in skoolure via die skooltelefoon gemaak word.

Indien omstandighede egter 'n selfoon vereis geld die volgende reëls:

	Selfone moet tydens skoolure afgeskakel wees.
	Selfone moet aan die persoon van die leerlinge gedra word. Die skool aanvaar nie die verantwoordelikheid gesteelde of verlore selfone nie.
	Tydens eksamen mag geen kandidaat 's selfoon aan sy persoon hê nie. Reël vir veilige bewaring in die skoolkluis tydens eksamen.