Die skool begin in 1965 met 161 leerders. Vandag is daar net oor 'n duisend ingeskrewe leerders. Dit is 'n gevestigde skool met 'n trotse prestasierekord deur sy skoliere en oudleerders.

Hoërskool Randburg streef na akademiese uitnemendheid. Hoë standaarde is ononderhandelbaar. 'n Aantal onderwysers is in diens van die Beheerliggaam om akademiese standaarde te verseker en klasgroottes te beperk. Die Skool is trots op die uitmuntende akademiese prestasie wat oor die jare deur sy matriekleerlinge gelewer is ongeag watter eksamen geskryf is. Hoërskool Randburg glo in die skoolmodel met sy driehoek van akademie, sport en kultuur ten einde die geleentheid vir elke leerder te bied om gebalanseerd tot sy volle potensiaal te ontwikkel.

Ons is bekend vir ons sportprestasies en verskeie van ons leerders presteer jaarliks op nasionale en provinsiale vlak. Toegewyde personeel en buite-afrigters verseker dat die skool 'n wye verskeidenheid sportgeleenthede aan elke leerder bied. Die skool het 'n ryk kultuurlewe en deelname vind plaas oor 'n wye spektrum. Uitstaande prestasies word behaal in koor, spraakgilde en redenaars deelname. Veral ons koor is gewild en blink uit waar hulle ookal optree. Ons in bevoorreg dat die koor tans onder die leiding staan van Dana de Waal, koorleier van die Randburgse Mannekoor.